„მოსწავლე მასწავლებლის როლში“ - ნინოწმინდის N3 სკოლის დირექტორმა, არმენუჰი ღარსლიანმა მე-8 კლასელებს მორიგი საინტერესო აქტივობა შესთავაზა
24-03-2025
ნინოწმინდის N3 საჯარო სკოლის დირექტორი და ამავე დროს რუსული ენის პედაგოგი - არმენუჰი ღარსლიანი სწავლებისას სხვადასხვა მეთოდსა და სტრატეგიას მიმართავს და მოსწავლეებს მრავალფეროვან, საინტერესო და მამოტივირებელ აქტივობას სთავაზობს.
პედაგოგმა მე-8 კლასის მოსწავლეებთან ამჯერად როლურ თამაშს მიმართა და მორიგი საინტერესო აქტივობა განახორციელა სახელწოდებით - „მოსწავლე მასწავლებლის როლში“.
აქტივობაში თითოეული მოსწავლე დიდი მინდომებით, ინტერესითა და ხალისით ჩაერთო.
მოსწავლეებმა გაკვეთილზე პედაგოგის როლი მოირგეს.
გაკვეთილი მათთვის ემოციებით დატვირთული და დასამახსოვრებელი იყო.
იხილეთ ვიდეომასალა:
სკოლების სიახლეები
