ქუთაისის N4 საჯარო სკოლა დაუნის სინდრომის შესახებ ცნობიერების ამაღლებისკენ მიმართულ მსოფლიო ღონისძიებას შეუერთდა.
დაუნის სინდრომის მსოფლიო დღესთან დაკავშირებით, ქუთაისის №4 საჯარო სკოლის პედაგოგმა, ელიკო ბუაძემ, საგანმანათლებლო-შემეცნებითი ღონისძიება ჩაატარა, რომლის მიზანი მოსწავლეებში დაუნის სინდრომის შესახებ ცნობიერების ამაღლება იყო.
ღონისძიების ფარგლებში გაიმართა ღია გაკვეთილი, რომლის დროსაც მოსწავლეებმა დაუნის სინდრომის გენეტიკური ბუნება გააცნობიერეს/შეისწავლეს. საგანმანათლებლო პროცესს ვიზუალური მასალების დემონსტრაცია, მოკლე სემინარი და თემატური დისკუსია ახლდა, რაც მონაწილეებს ინკლუზიური საზოგადოების ფორმირების მნიშვნელობის სიღრმისეულად გააზრებაში დაეხმარა.
დაუნის სინდრომის მსოფლიო დღე გაეროს ეგიდით 2011 წლის 10 ნოემბერს დაწესდა.
2006 წლის 21 მარტიდან დაუნის სინდრომის საერთაშორისო დღე აღინიშნება. ამ დღეს მსოფლიოს მრავალ ქვეყანაში სინდრომის შესახებ ცნობიერების ამაღლების მიზნით სხვადასხვა ღონისძიებები იმართება. რამდენიმე წელია, მათ რიცხვში საქართველოცაა.
იხილეთ ფოტოები:
