ვაჟა-ფშაველას სახელობის ქალაქ რუსთავის N23 საჯარო სკოლის მოსწავლეები გარემოს დაცვის მნიშვნელობას ნათლად აცნობიერებენ, რადგან პედაგოგები მათი ეკოცნობიერების ამაღლებაზე აქტიურად ზრუნავენ.
ახლახან, IVდ კლასში, დამრიგებელ მარიამ კუკულაძის ხელმძღვანელობით, ჩატარდა პროექტი - „საქართველოს დაცული ტერიტორიები“.
პროექტი მიზნად ისახავდა თითოეულ მოსწავლეს გაეაზრებინა, რომ საქართველოს უმნიშვნელოვანესი საგანძური ულამაზესი ბუნება და უნიკალური ბიომრავალფეროვნებაა.
ყოველივე ეს კი თითქმის ხელუხლებლად არის წარმოდგენილი დაცულ ტერიტორიებზე. დაცული ტერიტორიების უპირველესი დანიშნულებაც სწორედ, ამ უნიკალური ბიომრავალფეროვნებისა და ეკოსისტემების დაცვა და შენარჩუნებაა.
ბავშვებმა წარმოადგინეს გემოვნებით გაფორმებული ნამუშევრები, ფერადი სლაიდები, ისაუბრეს თითოეულ ღირსშესანიშანაობაზე, წაიკითხეს ლექსები ბუნებასა და მის მშვენიერებაზე. დასახეს სამომავლო მიზნები - თუ რამდენი საინტერესო ადგილი აქვთ სამომავლოდ მოსანახულებელი.
იხილეთ ფოტოები:
