ხობის მუნიციპალიტეტის სოფელ ჭალადიდის საჯარო სკოლის დირექცია და პედაგოგები მოსწავლეთა ჩართულობას არაფორმალური განათლების პროექტებში ახალისებენ და მოზარდებს არაერთ საგანამანთლებლო ღონისძიებასა თუ კონკურსს სთავაზობენ.
ახლახან, მოსწავლეები ხალისით ჩაერთნენ გუნდური ინტელექტუალური თამაშის - „ტვინების ბრძოლის“ 2024-2025 სასწავლო წლის საგაზაფხულო ტურში.
მოსწავლეებმა ხალისითა და დიდი ინტერესით იასპარეზეს და შესაძლებლობები წარმატებით წარმოაჩინეს. პირველი ადგილის მფლობელი ჭალადიდის საჯარო სკოლის მე-11 კლასის მოსწავლეები გახდნენ.
„უპირობოდ ნიჭიერები, ჭკვიანები, ყოჩაღები, გილოცავთ, კიდევ ბევრი პირველი ადგილის მფლობელი გამხდარიყავით ცხოვრების ბილიკებზე, მე მჯერა თქვენი, ვიცი უამრავ გამარჯვებას იზეიმებთ, მიყვარხართ ძალიან“,- აღნიშნავს მოსწავლეთა პედაგოგი და ახარებს მათი აქტიურობა.
