თბილისის N133 საჯარო სკოლის მოსწავლეები დებატების ხელოვნებას დაეუფლნენ
14-03-2025
თბილისის N133 საჯარო სკოლის მოსწავლეებს საინტერესო ტრენინგი ჩაუტარდათ, რომლის მიზანი იყო ახალგაზრდებისათვის დებატების ხელოვნების სწავლება და გამოყენება.
სულხან-საბა ორბელიანის უნივერსიტეტის, ორბელიანის აკადემია მოსწავლეების თხოვნით, თბილისის N133 საჯარო სკოლას ეწვია. შეხვედრის ფარგლებში ჩატარდა „კარლ-პოპერის ღირებულებითი ფორმატის“ დებატების ტრენინგი.
დებატები, ერთ-ერთი ყველაზე მნიშვნელოვანი აქტივობაა, რომელიც ხელს უწყობს ისეთი უნარების განვითარებას, როგორიცაა: საჯარო გამოსვლა, არგუმენტირებული მსჯელობა, კრიტიკული და ანალიტიკური აზროვნება.
ტრენინგის ფარგლებში მოსწავლეებმა შეისწავლეს:
- დებატების ტიპები;
- ფორმალური დებატების ძირითადი პრინციპები;
- სადებატო თემის სტრუქტურა;
- რეზოლუციის მახასიათებლები;
- სპიკერთა პასუხისმგებლობები;
- დროის მენეჯმენტი.
დებატების ტრენინგს, სულხან-საბა ორბელიანის უნივერსიტეტის მოწვეული ლექტორი ლია გელაშვილი გაუძღვა.
სკოლების სიახლეები
