ქუთაისის №4 საჯარო სკოლაში გაზაფხულის პირველი და ყველაზე ლამაზი დღესასწაული - დედის დღე განსაკუთრებულად აღინიშნა.
დედის დღესთან დაკავშირებით, სკოლაში მრავალფეროვანი ღონისძიებები გაიმართა. მოსწავლეებმა და პედაგოგებმა დიდი ენთუზიაზმით მოამზადეს საზეიმო კონცერტი, სადაც წარმოადგინეს სიმღერები, ცეკვები და დედებისადმი მიძღვნილი გულში ჩამწვდომი ლექსები.
განსაკუთრებით შთამბეჭდავი იყო პატარა მომღერლების მიერ შესრულებული ქართული სიმღერები, რამაც მაყურებელი აღაფრთოვანა. ამ წარმოდგენაში ბავშვების შემოქმედებითი ნიჭი ნათლად გამოჩნდა.
ღონისძიების ბოლოს სკოლის დირექციამ (სკოლის დირექტორი ქალბატონი მაკა გუბელაძე, დირექტორის მოადგილე ბატონი ბექა ძოწენიძე) განსაკუთრებული მადლიერება გამოხატა პედაგოგების — მარიამ კარკაძის, თამარ კობახიძის, შორენა ჩაფიძის, ნინო ბოჭორიშვილის — მიმართ, რომლებმაც დიდი წვლილი შეიტანეს წარმოდგენის ორგანიზებაში.
მათ საზეიმო ვითარებაში გადაეცათ მადლობის სიგელები და თიხის სპეციალური მედალიონები.
იხილეთ ფოტოები:
