მთისძირის საჯარო სკოლის მოსწავლე მარიამ ახობაძე რესპუბლიკურ კონფერენციაზე საუკეთესო თემის წარდგენისთვის დაჯილდოვდა
11-03-2025
ვანის მუნიციპალიტეტის სოფელ მთისძირის საჯარო სკოლის მოსწავლეები, პედაგოგთა მხარდაჭერით, სხვადასხვა კონკურსსა და საგანმანათლებლო ღონისძიებაში აქტიურად მონაწილეობენ და წარმატებასაც აღწევენ.
ახლახან, მე-10 კლასის მოსწავლე მარიამ ახობაძე დაჯილდოვდა დიპლომით პირველ რესპუბლიკურ კონფერენციაში საუკეთესო თემის - „რვალის მჭედლობა საქართველოში“ წარდგენისთვის.
კონფერენცია ქალაქ ქუთაის მოსწავლე-ახალგაზრდობის სასახლეში გაიმართა, სადაც მარიამ ახობაძე წარმატებით წარდგა აუდიტორიის წინაშე.
სკოლაში მოსწავლის წარმატება ახარებთ და ცოდნის ახალი მწვერვალების დაპყრობას უსურვებენ და მადლობას უხდიან მის პედაგოგს - სოფო ეფრემიძეს.
„მადლობას ვუხდით ბიოლოგიის მასწავლებელს - სოფო ეფრემიძეს მარიამის გვერდით დგომისთვის“,- აღნიშნავენ სკოლაში.
იხილეთ ფოტოები:
სკოლების სიახლეები
