წალენჯიხის მუნიციპალიტეტის, ლიის თემის N1 საჯარო სკოლის პროფესიონალი პედაგოგიური საზოგადოება, დირექციის მხარდამხარ, თავს არ ზოგავს, რათა მოსწავლეებმა მიიღონ საფუძვლიანი განათლება და წარმატებებს მიაღწიონ ცხოვრების ყველა ეტაპზე.

ამის ნათელი დადასტურებაა ის ფაქტი, რომ ლიის თემის N1 საჯარო სკოლას არაერთი წარჩინებული კურსდამთავრებული ჰყავს.

ახლახან 2023-2024 წლის კურსდამთავრებულებს ოქროს მედლები გადაეცათ.

მარი ძიგუა, სანდრო ბერიშვილი, ნინი ვეკუა, საბა აკობია, ნინი გოგოხია, ნანა ფიფია, ნათია ქარდავა, ნატა ძაგანია ზოგადი განათლების საშუალო საფეხურის წარჩინებით დასრულებისთვის ოქროს მედლებით დაჯილდოვდნენ, კლასის ხელმძღვანელი კი დარეჯან ქარდავა გახლდათ. მშობლიური სკოლა ულოცავს და თითოეულ მათგანს წარმატებას უსურვებს.