ცაგერის მუნიციპალიტეტის სოფელ ალპანის საჯარო სკოლის მოსწავლეები დირექციისა და პედაგოგების მხარდაჭერით, სხვადასხვა კონკურსში აქტიურად მონაწილეობენ, რაც მათი ცოდნისა და შესაზლებლობების წარმოჩენა-განვითარებას ემსახურება.
7 მარტს, სკოლაში ჩატარდა გუნდური ინტელექტუალური თამაშის - „ტვინების ბრძოლის“ შიდასასკოლო ჩემპიონატი.
თამაში საინტერესოდ წარიმართა. ერთ სივრცეში განლაგებულმა გუნდებმა უპასუხეს წამყვანის მიერ გაჟღერებულ შეკითხვებს.
თემატიკა იყო ზოგადი, შეკითხვები კი დაფუძნებული ლოგიკურ და ანალიტიკური აზროვნების უნარზე.
პირველადგილოსანმა გუნდმა სახელწოდებით -„მინიონები“ მოიპოვა სკოლის ჩემპიონის ტიტული.
გუნდი სკოლის სახელით მუნიციპალურ ტურში მიიღებს მონაწილეობას.
„წარმატებები ჩვენს მოსწავლეებს. მართლაც, ძალიან ლოგიკურები, აზრიანები და გონიერები ხართ! მადლობა!“,- აღნიშნავენ სკოლაში და მოსწავლეებს შემდეგ ეტაპზე წარმატებას უსურვებენ.
იხილეთ ფოტოები:
