ჭიათურის მუნიციპალიტეტის სოფელ სკინდორის საჯარო სკოლაში მოსწავლეთა წიგნიერების დონის ამაღლებას და მხატვრული ლიტერატურის კითხვის პოპულარიზაციას მნიშვენლოვანი ყურადღება ექცევა, ამ მიზნით კი არაერთი ღონისძიება იმართება. 

4 მარტს, სკინდორის საჯარო სკოლაში ქართული ენისა და ლიტერატურის მასწავლებლის - ლამარა ბრეგვაძის ინიციატივით, ლიტერატურული შეხვედრა გაიმართა.

შეხვედრაზე მოსწავლეებმა წარმოადგინეს და იმსჯელეს ქართველ მწერალთა იმ ნაწარმოებებზე, რომლებშიც ხაზგასმული იყო თუ რაოდენ მნიშვნელოვანია წიგნიერება და რა განსხვავებაა მკითხველსა და გადამკითხველს შორის.

შეხვედრა საინტერესოდ, დამსწრე საზოგადოების მაქსიმალური ჩართულობით წარიმართა.

სკოლის დირექცია მადლობას უხდის შეხვედრის ორგანიზატორს და მასში ჩართულ მოსწავლე-მასწავლებლებს.