ახალქალაქის N2 საჯარო სკოლის პროფესიონალი პედაგოგიური საზოგადოება, დირექციის მხარდამხარ, თავს არ ზოგავს, რათა მოსწავლეებმა მიიღონ საფუძვლიანი განათლება და იმავდროულად, ბავშვებს მაქსიმალურად ეწყობათ ხელი საკუთარი შესაძლებლობების წარმოჩენაში.
ამის დადასტურებაა ის, რომ ადგილობრივი მოსწავლეები სხვადასხვა მიმართულებით აღწევენ წარმატებას და მათ შორის აღსანიშნავია მათი სპორტული მიღწევები.
დღეს გაგაცნობთ ახალქალაქის N2 საჯარო სკოლის, მე-9 „ა“ კლასის მოსწავლეს იური გრიგორიანს, რომელმაც 2025 წლის 21-26 თებერვალს ბათუმში ჩატარებულ, საქართველოს ჩემპიონატზე კრივში, ჭაბუკ ვაჟთა შორის, ოქროს მედალი მოიპოვა.
„იური გრიგორიანი გახდა საქართველოს ჩემპიონი. სკოლა სიამაყით ულოცავს მას ამ გამარჯვებას და უსურვებს წარმატებას ევროპის ჩემპიონატზე“, - აღნიშნულია გავრცელებულ ინფორმაციაში.
იხილეთ ფოტოები:
