თბილისის N28 საჯარო სკოლის მოსწავლეებთან სამხედრო მოსამსახურეებმა საინფორმაციო შეხვედრა გამართეს
10-03-2025
თბილისის N28 საჯარო სკოლაში სხვადასხვა მნიშვნელოვან საკითხზე მოსწავლეთა ინფორმირებისა და ცნობიერების ამაღლების მიზნით არაერთი შეხვედრა იმართება.
ახლახან, მოსწავლეებთან, სამხედრო გაწვევისა და რეკრუტირების ეროვნული სააგენტოს ორგანიზებული შეხვედრა ჩატარდა. საინფორმაციო შეხვედრის თემა იყო - „არ დასრულდება წარსული ჩვენზე“.
სამხედრო მოსამსახურეებმა მოსწავლეებს მიაწოდეს ინფორმაცია წვევამდელთა ეროვნული და პროფესიული სამხედრო სამსაურის შესახებ.
შეხვედრა კითხვა-პასუხის რეჟიმში წარიმართა. მოსწავლეებმა მიიღეს ამომწურავი ინფორმაცია მათთვის საინტერესო საკითხების შესახებ.
იხილეთ ფოტოები:
სკოლების სიახლეები
