ნაგომარის საჯარო სკოლაში ქართული დოკუმენტური ფილმის ჩვენება-განხილვა გაიმართა
05-03-2025
ოზურგეთის მუნიციპალიტეტის სოფელ ნაგომარის საჯარო სკოლაში საქართველოს ისტორიის ხარისხიან სწავლებას მნიშვნელოვანი ყურადღება ექცევა. ამ მიმართულებით კი არაერთი ღონისძიება იმართება.
რა თქმა უნდა, მოსწავლე-მასწავლებელთა ყურადღების მიღმა არ დარჩენილა დავით აღმაშენებლის ხსენების დღე.
„დავითობასთან“ დაკავშირებით, საბაზო და საშუალო საფეხურის მოსწავლეებთან ფილმის “გააგრძელე საქართველოს ისტორია” ჩვენება-განხილვა გაიმართა.
აქტივობა მოსწავლეებისთვის მეტად შემეცნებითი აღმოჩნდა. მოსწავლეებმა მეფეთ-მეფის ცხოვრებისა და მოღვაწეობის შესახებ ცოდნა გაიმდიდრეს და აღნიშნეს წმინდანად შერაცხული მეფის ღვაწლი ქართველი ერის წინაშე.
დავით აღმაშენებლის ხსენების დღე 8 თებერვალს აღინიშნება. წელს სახელოვანი მეფის გარდაცვალებიდან 900 წელი გავიდა.
იხილეთ ფოტოები:
სკოლების სიახლეები
