ნინოწმინდის მუნიციპალიტეტის სოფელ ჯიგრაშენის საჯარო სკოლის პედაგოგები მოსწავლეებს საგანმანათლებლო, საზეიმო თუ გასართობი ღონისძიებებით ანებივრებენ. მოტივირებული მოსწავლეები კი სხვადასხვა სასკოლო აქტივობაში დიდი მონდომებით ერთვებიან.
მოსწავლე-მასწავლებლები მნიშვნელოვან თარიღებს ყოველთვის აღნიშნავენ. გამონაკლისი არც გაზაფხულის პირველი დღესასწაული - დედის დღე ყოფილა.
მე-5 კლასის მოსწავლეებმა, ქართული ენის მასწავლებლის - ხათუნა ხითაროვისა და დამრიგებლის - შუშან ეზეკიანის ხელმძღვანელობით, ლამაზი ღონისძიება გამართეს.
ბავშვებმა დედებს 3 მარტი მრავალფეროვანი საზეიმო პროგრამით მიულოცეს - მხატრულად წაიკითხეს ლექსები, შეასრულეს სიმღერები და საცეკვაო ნომრები.
ღონისძიებამ დამსწრე საზოგადოებას დაუვიწყარი წუთები და ემოციები აჩუქა.
„ყველანი ძალიან გახარებულნი და აღფრთოვანებულნი იყვნენ და მადლობა გადაუხადეს ხელმძღვანელებს“,- გვეუბნებიან სკოლაში.
იხილეთ ფოტო-ვიდეომასალა:
