ხობის მუნიციპალიტეტის სოფელ ჭალადიდის საჯარო სკოლაში საქართველოს ისტორიის ხარისხიან სწავლებას მნიშვნელოვანი ყურადღება ექცევა. პედაგოგები მოსწავლეთა პატრიოტული სულისკვეთების ამაღლებაზე აქტიურად ზრუნავენ.
შესაბამისად, მოსწავლე-მასწავლებელთა ყურადღების მიღმა არ დარჩენილა დავით აღმაშენებლის ხსენების დღე.
მე-5 კლასის მოსწავლეებმა, პედაგოგ მაია ნოდიას ხელმძღვანელობით, საინტერესო ღონისძიება გამართეს.
მე-5 კლასელებმა წაიკითხეს მოძიებული ინფორმაცია დავით აღმაშენებლის ცხოვრებასა და მოღვაწეობაზე ისაუბრეს, ხოტბა შეასხეს მეფეთ-მეფეს, ადამიანს, რომელმაც აღმაშენებლის სახელით დაიმკვიდრა ადგილი საქართველოს ისტორიაში, აღნიშნეს მისი ღვაწლი ქართველი ერის წინაშე და მხატვრულად წაიკითხეს დიდი მეფისადმი მიძღვნილი ლექსები.
დავით აღმაშენებლის ხსენების დღე 8 თებერვალს აღინიშნება. წელს წმინდანად შერაცხული მეფის გარდაცვალებიდან 900 წელი გავიდა.
იხილეთ ფოტო-ვიდეომასალა:
