ვახტანგ ჭაბუკიანის სახელობის თბილისის N46 საჯარო სკოლა დიდ მნიშვნელობას ანიჭებს მოსწავლეებში ჯანსაღი ცხოვრების წესის პოპულარიზებას, ამიტომაც ახალგაზრდები მუდამ არიან წახალისებულნი რომ მონაწილეობა მიიღონ და დაესწრონ სხვადასხვა ტიპის სპორტულ აქტივობებს.

ამჯერად კი მოსწავლეები 2025 წლის ზამთრის ახალგაზრდული ოლიმპიადაზე იმყოფებოდნენ სადაც ჰოკეის მატჩს დაესწრნენ და დაუვიწყარი ემოციებითა და შთაბეჭდილებებით დაბრუნდნენ.

აღსანიშნავია, რომ ევროპის ახალგაზრდული ოლიმპიური ფესტივალი (European Youth Olympic Festival) ყველაზე მასშტაბური სპორტული ღონისძიებაა ახალგაზრდებისთვის, რომელსაც 33 წლიანი ტრადიცია აქვს. ახალგაზრდული ოლიმპიური ფესტივალი პირველად 1991 წელს ბრიუსელში, ბელგიაში ჩატარდა. წელს კი ოლიმპიადას პირველად, საქართველომ უმასპინძლა.