ამბროლაურის მუნიციპალიტეტის სოფელ ლიხეთის საჯარო სკოლის მოსწავლეები საქართველოს ისტორიას საფუძვლიანად სწავლობენ, ამ მიზნით, სკოლაში არაერთი საგანმანათლებლო ღონისძიება იმართება.
რა თქმა უნდა, მოსწავლე-მასწავლებელთა ყურადღების მიღმა არ დარჩენილა დავით აღმაშენებლის ხსენების დღე.
„დავითობასთან“ დაკავშირებით, სკოლაში გაიმართა ლექცია-შეხვედრა თემაზე - „დავით აღმაშენებლის მემკვიდრეობა: ისტორიული და კულტურული კონტექსტი“.
ლექციას საინტერესო მსჯელობა მოჰყვა. მოსწავლეებმა აღნიშნეს მეფეთ-მეფის ღვაწლი ქართველი ერის წინაშე და ხოტბა შეასხეს მისი ცხოვრებასა და მოღვაწეობას.
ღონისძიბას პედაგოგი ელენა რეხვიაშვილი ხელმძღვანელობდა.
დავით აღმაშენებლის ხსენების დღე 8 თებერვალს აღინიშნება. წელს წმინდანად შერაცხული მეფის გარდაცველებიდან 900 წელი გავიდა.
იხილეთ ფოტოები:
