ზუგდიდის მუნიციპალიტეტის, ჯუმის საჯარო სკოლაში სასწავლო პროცესი აქტიურად მიმდინარეობს, მოსწავლეებიც დიდი ინტერესით არიან ჩართულები სასკოლო ცხოვრებაში და სხვადასხვა საგანმანათლებლო-შემეცნებით პროექტშიც მონაწილეობენ.
ამჯერად, ჯუმის საჯარო სკოლის მეშვიდეკლასელებმა შთამბეჭდავი ღონისძიება მიუძღვნეს მეფეთა მეფის - დავით აღმაშენებლის ხსენების დღეს.
„8 თებერვალი დავით აღმაშენებლის ხსენების დღეა. ზუგდიდის მუნიციპალიტეტის სოფელ ჯუმის საჯარო სკოლის მე-7 კლასის მოსწავლეების მონაწილეობით გაიმართა დავით აღმაშენებლის ხსოვნისადმი მიძღვნილი ღონისძიება“, - ნათქვამია სკოლის მიერ გავრცელებულ ინფორმაციაში.
მოსწავლეებმა წარმოადგინეს მრავალფეროვანი აქტივობები, გაიხსენეს საინტერესო ფაქტები აღმაშენებლის ცხოვრება-მოღვაწეობიდან და დამსწრე საზოგადოება ამოგზაურეს დავითი ეპოქის ისტორიულ ლაბირინთებში.
იხილეთ ვიდეო:
