ახალციხის მუნიციპალიტეტის სოფელ წყალთბილის საჯარო სკოლის მოსწავლეები სხვადასხვა კონკურსსა და საგანმანათლებლო ღონისძიებაში აქტიურად მონაწილეობენ და წარმატებასაც აღწევენ.
ამჯერად, სკოლაში XII კლასის მოსწავლის - ანნა დავთიანის მიღწევით ამაყობენ.
მოსწავლემ ეროვნულ სასწავლო ოლიმპიადაში ბრწყინვალედ იასპარეზა და ქართული ენის კონკურსის მე-3 ტურში გადავიდა.
სკოლაში მოსწავლეს და მის მასწავლებელს - მანანა ბირჩაძეს წარმატებას ულოცავენ.
„წყალთბილის საჯარო (სომხურენოვანი) სკოლის XII კლასის მოსწავლეს - ანნა დავთიანს და მისი ქართული ენის მასწავლებელს - მანანა ბირჩაძეს, ვულოცავთ ეროვნული სასწავლო ოლიმპიადის (საგანი ქართული ენა) მესამე ტურში გადასვლას.
სკოლის ადმინისტრაცია, პედაგოგები და მოსწავლეები ანნას ვუსურვებთ შემდგომ წარმატებებს.
ანნა, ვამაყობთ შენი წარმატებით“,- აღნიშნავენ სკოლაში.
