ქუთაისის N19 საჯარო სკოლის პედაგოგები გარდა იმისა რომ მოსწავლეებს აძლებენ ხარისხიან საგნობრივ განათლებას, აქტიურად ზრუნავენ მოსწავლეთა თვალსაწიერის გაფართოებაზე, მათ შორის მოწაფეთა ზოგადკულტურული კომპეტენციების განვითარებაზე.
ამჟამად სკოლაში პროექტი - „ჩვენ მივდივართ მუზეუმში“ ხორციელდება, რომელსაც პედაგოგი ნატო კლდიაშვილი ხელმძღვანელობს. ამჯერად, პროექტის ფარგლებში, VIა კლასის მოსწავლეებმა მუსიკის სამყაროში გადაინაცვლეს და ეწვივნენ დიდი ქართველისა და მსოფლიო დონის კომპოზიტორის ზაქარია ფალიაშვილის სახლ-მუზეუმს.
მოსწავლეებისთვის მუზეუმში სტუმრობა მეტად საინტერესო და შემეცნებითი აღმოჩნდა. ბავშვებმა დიდი კომპოზიტორის ცხოვრებისა და მოღვაწეობის შესახებ ცოდნა გაიმდიდრეს.
„არ შეიძლება არ აღვნიშნოთ მუზეუმის თანამშრომელთა გულთბილი მიღების ფონზე თუ რამდენად შრომატევადი იყო ზღვა ინფორმაციის მიწოდება ბავშვებისათვის, რისთვისაც მადლობას ვუხდით მუზეუმის დირექტორს ქალბატონ მარინა სულაქველიძეს. გვასახელა ჩვენმა პატარა პიანისტმა ლუკა კორკოტოვმა, მან დიდი კომპოზიტორის სახლი ტკბილი ჰანგებით აავსო. კიდევ და კიდევ უამრავი სანახაობა და წარმატებები ვუსურვოთ პროექტის მონაწილეებს“,- აღნიშნავენ სკოლაში.
იხილეთ ფოტოები:
