„ასე ვიწყებთ გაკვეთილს“ - საჩინოს თემის N1 საჯარო სკოლის მოსწავლეებს მუსიკის პედაგოგი თამარ მიქავა განსაკუთრებულ დახვედრას უწყობს
19-02-2025
წალენჯიხის მუნიციპალიტეტის საჩინოს თემის N1 საჯარო სკოლის მოსწავლეები მუსიკის გაკვეთილს განსაკუთრებული მისალმებით იწყებენ.
მუსიკის მასწავლებელი თამარ მიქავა, მოსწავლეთა მოტივაციასა და განწყობაზე ზრუნავს და მათ გამორჩეულ დახვედრას უწყობს.
რა თქმა უნდა, პოზიტიური სასწავლო გარემო მოსწავლეთა სასწავლო შემართებაზე აისახება, ბავშვებისთვის მუსიკა ერთ-ერთი საყვარელი საგანია, მუსიკის გაკვეთილები კი შთაგონების წყარო.
როგორც თავად პედაგოგი აღნიშნავს, ბავშვების სიყვარულით სავსე თვალები ბედნიერებით ავსებს.
„ასე ვიწყებთ გაკვეთილს, მე და IIა და IIბ კლასების მოსწავლეეები - ჩვენი პრინცესები და პრინცები. ბავშვების სიყვარულით სავსე თვალების დანახვა ბედნიერს მხდის და სიხარულით ვიძირები მუსიკის სამყაროში“,- აღნიშნავს პედაგოგი.
იხილეთ ვიდეო:
სკოლების სიახლეები
