ანდეზიტის საჯარო სკოლაში დავით აღმაშენებლის ცხოვრებასა და მოღვაწეობას საინტერესო პროექტი მიეძღვნა
19-02-2025
ბორჯომის მუნიციპალიტეტის სოფელ ანდეზიტის საჯარო სკოლაში დავით აღმაშენებლის ხსენების დღე საინტერესოდ აღინიშნა.
თარიღს პროექტი - „დავით აღმაშენებელი - საქართველოს აღმშენებელი მეფე“ მიეძღვნა.
პროექტზე VIII-IX კლასების მოსწავლეებმა, პედაგოგ ირმა ბესიაშვილის ხელმძღვანელობით იმუშავეს, მოსწავლეებმა სახელოვანი მეფის ცხოვრება-მოღვაწეობაზე, გატარებულ პოლიტიკასა და რეფორმებზე ცოდნა გაიმდიდრეს, აღნიშნეს მისი ღვაწლი ქართველი ერის წინაშე და ხოტბა შეასხეს მწიგნობარ მეფეს.
პროექტი მოსწავლეებისთვის მეტად საინტერესო და შემეცნებითი აღმოჩნდა.
დავით აღმაშენებლის ხსენების დღე 8 თებერვალს აღინიშნეს. წელს სახელოვანი მეფის გარდაცვალებიდან 900 წელი გავიდა.
იხილეთ ფოტოები:
სკოლების სიახლეები
