„დიდი დავით აღმაშენებელი“ - ქვემო ხანდაკის საჯარო სკოლაში მეფეთ-მეფის ცხოვრებასა და მოღვაწეობას შთამბეჭადავი ინტეგრირებული გაკვეთილი მიეძღვნა
19-02-2025
კასპის მუნიციპალიტეტის სოფელ ქვემო ხანდაკის საჯარო სკოლაში მეტად საინტერესო სასწავლო პროცესი მიმდინარეობს, აქტიურად აღინიშნება მნიშვნელოვანი თარიღები და მოვლენები.
8 თებერვალს, დავით აღმაშენებლის გარდაცვალებიდან 900 წელი გავიდა. თარიღს გამოეხმაურნენ ქვემო ხანდაკის საჯარო სკოლაში, სადაც ჩატარდა ინტეგრირებული გაკვეთილი თემაზე - „დიდი დავით აღმაშენებელი“.
ქართული ენისა და ლიტერატურის პედაგოგმა - ნაზი ხუციშვილმა და ისტორიის პედაგოგმა - სერგო ბერიძემ მოსწავლეებს გააცნეს და შეახსენეს დავით აღმაშენებლის ცხოვრებისა და მოღვაწეობის ისტორიული და ლიტერატურული ფაქტები.
მოსწავლეებმა წარადგინეს პრეზენტაციები და შექმნეს თვალსაჩინოება.
სკოლის დირექცია მადლობას უხდის პედაგოგებს საინტერესო ღონისძიებისთვის.
იხილეთ ფოტოები:
სკოლების სიახლეები
