ქედის მუნიციპალიტეტის სოფელ მეძიბნის საჯარო სკოლაში სასწავლო პროცესი გაჯერებულია საინტერესო საგანმანათლებლო ღონისძიებებით, აქტიურად აღინიშნება მნიშვნელოვანი თარიღები და მოვლენები.
რა თქმა უნდა, მოსწავლე-მასწავლებელთა ყურადღების მიღმა არ დარჩენილა დავით აღმაშენებლის ხსენების დღე.
7 თებერვალს, მეძიბნის საჯარო სკოლაში მოსწავლეებისა და მასწავლებლების მონაწილეობით გაიმართა დავით აღმაშენებლის ხსოვნისადმი მიძღვნილი ღონისძიება - „დავით აღმაშენებელი 900 წელი“.
როგორც სკოლაში გვეუბნებიან, ღონისძიება იყო მეტად საინტერესო და ღირებული. მოსწავლეება მეფეთ-მეფის ცხოვრებისა და მოღვაწეობის შესახებ ცოდნა გაიმდიდრეს, ისაუბრეს სახელოვანი მეფის რეფორმებზე და აღნიშნეს მისი წვლილი ქართველი ერის წინაშე.
აღსანიშნავია, რომ დავით აღმაშენებლის ხსენების დღე 8 თებერვალს აღინიშნება. წელს მისი გარდაცვალებიდან 900 წელი გავიდა.
იხილეთ ფოტოები:
