ქუთაისის №4 საჯარო სკოლის დირექცია და პედაგოგები მოსწავლეებს პროფესიული ორიენტაციის განსაზღვრაში ეხმარებიან.
ახლახან, ქუთაისის №4 საჯარო სკოლას, საგანმანათლებლო-სამეცნიერო ღონისძიებათა ციკლის ფარგლებში, დირექციის (სკოლის დირექტორი მაკა გუბელაძე, დირექტორის მოადგილე ბექა ძოწენიძე) მიწვევით, ესტუმრა დასაქმების ხელშეწყობის სახელმწიფო სააგენტოს იმერეთის რეგიონული სერვისცენტრის ხელმძღვანელი, ეკონომიკის მეცნიერებათა დოქტორანტი და აწსუ-ს ლექტორი ეკა ლეჟავა.
სტუმარმა წარმართა საინტერესო ინტერაქტიული მასტერკლასი თემაზე - „კარიერული და პროფესიული ორიენტაცია. ეფექტიანი კომუნიკაციის უნარ-ჩვევები“.
შეხვედრის ფარგლებში სტუმარმა მოსწავლეებთან განიხილა შემდეგი საკითხები:
- კარიერული წინსვლის თანამედროვე გამოწვევები და შესაძლებლობები;
- პროფესიული განვითარების გზები და სტრატეგიები;
- ეფექტიანი კომუნიკაციის პრინციპები და მათი პრაქტიკული გამოყენება;
- შრომის ბაზრის აქტუალური ტენდენციები და მოთხოვნები.
როგორც სკოლაში გვეუბნებიან, მასტერკლასმა მნიშვნელოვნად შეუწყო ხელი მოსწავლეთა ცოდნისა და უნარ-ჩვევების გაღრმავებას კარიერული განვითარებისა და პროფესიული კომუნიკაციის მიმართულებით.
იხილეთ ფოტოები:
