ზვიად გამსახურდიას სახელობის ხობის მუნიციპალიტეტის სოფელ ძველი ხიბულის საჯარო სკოლაში, სადაც საქართველოს ისტორიის ხარისხიან სწავლებასა და მოსწავლეთა პატრიოტული სულისკვეთების ამაღლებას მნიშვნელოვანი ყურადღება ექცევა, დავით აღმაშენებლის ხსენების დღე განსაკუთრებულად აღინიშნა.
თარიღთან დაკავშირებით, საინტერესო ღონისძიება გაიმართა. მოსწავლეებმა გაიხსენეს დავით აღმაშენებლის მოღვაწეობა და ის ოქროს ხანა, რომელიც დიადი მეფის მოღვაწეობის პერიოდში იყო.
მოსწავლეებმა მეფეთ მეფის ცხოვრებასა და მოღვაწეობას ხოტბა შეასხეს და აღნიშნეს, რომ მისი მმართველობის პერიოდი საქართველოს „ოქროს ხანის“ დასაწყისად მიიჩნევა. მისი მოღვაწეობა დღემდე შთაგონების წყაროა ქართველი ხალხისთვის, და ყოველწლიურად, 8 თებერვალს, დავით აღმაშენებლის ხსენების დღეს, პატივს მივაგებთ მის ღვაწლს ჩვენი ქვეყნის ისტორიაში.
აღსანიშნავია, რომ წელს დავით აღმაშენებლის გარდაცვალებიდან 900 წელი გავიდა.
იხილეთ ვიდეო:
