ჭიათურის N4 საჯარო სკოლა მოსწავლეებს ხარისხიან განათლებას აძლევს, რაც მათ მიღწევებზე აისახება. 

ამჟამად, სკოლაში მე-12 კლასელი დავით ტაბატაძის წარმატებით ხარობენ, მან ეროვნულ სასწავლო ოლიმპიადაში, ფიზიკაში 25 ქულიდან 22 აიღო.

როგორც დავითი აღნიშნავს, ეს ყველაფერი სწორედ მისი პედაგოგის - ნუნუ გაბრიჭიძის დამსახურება.

აღსანიშნავია, რომ მოსწავლე 2024 წლის ერთიან ეროვნულ გამოცდებზე გამოცდილების მიზნით გავიდა და საკმაოდ მაღალი შედეგები აჩვენა საქართველოს მასშტაბით.

სკოლაში მოსწავლის წარმატებით ამაყობენ და ცოდნის ახალი მწვერვალების დაპყრობას უსურვებენ.