ირაკლი ბაზაძის სახელობის საჩხერის მუნიციპალიტეტის სოფელ მახათაურის საჯარო სკოლაში დავით აღმაშენებლის ხსენების დღისადმი მიძღვნილი ღონისძიება ჩატარდა.

მახათაურის საჯარო სკოლის მიერ მოწოდებული ინფორმაციის მიხედვით, ზოგადსაგანმანათლებლო დაწესებულების საზოგადოებრივ მეცნიერებათა კათედრის წევრების, ქალბატონ ინგა გელაშვილისა და ქალბატონ ასმათ ბუსხრიკიძის, ხელმძღვანელობით ჩატარდა დავით აღმაშენებლის ხსენების დღისადმი მიძღვნილი ღონისძიება, რომლის ფარგლებშიც მე-8 კლასის მოსწავლემ, თამარ ყიფშიძემ წარადგინა პრეზენტაცია და დეტალურად მიმოიხილა აღმაშენებლის ბიოგრაფია და იმ პერიოდში ქვეყანაში მიმდინარე მოვლენები და რეფორმები.