დავით აღმაშენებლის ხსენების დღისადმი მიძღვნილი შთამბეჭდავი გაკვეთილი ნოქალაქევის საჯარო სკოლაში
14-02-2025
სენაკის მუნიციპალიტეტის სოფელ ნოქალაქევის საჯარო სკოლაში, სადაც საქართველოს ისტორიის ხარისხიან სწავლებას მნიშვნელოვანი ყურადღება ექცევა, განსაკუთრებულად აღინიშნა დავით აღმაშენებლის ხსენების დღე - 900 წელი მეფეთ მეფის გარდაცვალებიდან.
სკოლის ბიბლიოთეკაში, მე-4 კლასის ქართული ენისა და ლიტერატურის მასწავლებელმა, ციალა გოგოლიმ მოსწავლეებს დავით აღმაშენებლის შესახებ შემეცნებითი გაკვეთილი ჩაუტარა.
- მოსწავლეებმა მოიძიეს ინფორმაცია და გააკეთეს პრეზენტაციები თემებზე:
- საქართველოს მდგომარეობა დავით აღმაშენებლის გამეფების დროს. მაშინდელი საშინაო პოლიტიკა, საგარეო ფაქტორების როლი ქვეყანაში შექმნილი ვითარების შეცვლაში;
- მეფის მიერ გატარებული სამხედრო, ეკონომიკური და საეკლესიო რეფორმები;
- მხედართმთავრული და სტრატეგიული ნიჭი, ბრძოლებში გამარჯვება. წიგნის სიყვარული და პოეტური ნიჭი...
- წაიკითხეს ქართველი პოეტების მიერ დავით აღმაშენებლისთვის მიძღვნილი ლექსები;
- მოსწავლეებმა უყურეს ფილმებს;
- მოსწავლეთა ჩართულობით მომზადდა კედლის გაზეთი;
მოსწავლეებისთვის აქტივობები მეტად საინტერესო და შემეცნებითი აღმოჩნდა. დიდებული მეფის ცხოვრებისა და მოღვაწეობის შესახებ ცოდნა გაიმდიდრეს.
დღე საინტერესოდ და ნაყოფიერად დასრულდა.
იხილეთ ფოტოები:
სკოლების სიახლეები
