ჩოხატაურის მუნიციპალიტეტის ზემოსურების საჯარო სკოლის პედაგოგები მუდმივად ზრუნავენ მოსწავლეთა მოტივაციის გაზრდაზე და მაქსიმალურად ცდილობენ, სასწავლო პროცესი საინტერესო შემოქმედებითი და მიმზიდველი გახადონ. ამ მიზნით სკოლაში ყველა მნიშვნელოვანი დღე სხვადასხვა ტიპის აქტივობით აღინიშნება.

ზემოსურების საჯარო სკოლის მიერ მოწოდებული ინფორმაციის მიხედვით, 10 თებერვალს მოსწავლეებმა წმინდა მეფის დავით აღმაშენებლის ხსენების დღე აღნიშნეს.

აქტივობის ფარგლებში მათ მოამზადეს კედლის გაზეთი, ისაუბრეს ძლევამოსილი მეფის ბიოგრაფიაზე, გაეცნენ მის მიერ გატარებულ რეფორმებს და იმდროინდელი საქართველოს პოლიტიკურ ვითარებას. აღსანიშნავია, რომ მოსწავლეებმა მოიძიეს და წაიკითხეს დავითისადმი მიძღვნილი ლექსები.

იხილეთ ფოტოები: