ზესტაფონის მუნიციპალიტეტის, ცხენთაროს საჯარო სკოლის აჯამეთის კორპუსის მოსწავლეები წიგნის საჯაროდ კითხვის საერთშორისო დღისადმი მიძღვნილ კვირეულს შეუერთდნენ, რომლის ფარგლებშიც არაერთი საინტერესო და შემეცნებითი აქტივობა ჩატარდა.

„შეიყვარე წიგნი, წიგნი - ცოდნის წყარო“ - ასეთი გახლდათ კვირეულის სლოგანი და თემატიკიდან გამომდინარე, მოსწავლეებმა წაიკითხეს ამონარიდები სხვადასხვა ლიტერატურული ნაწარმოებიდან, კითხვა-პასუხის საშუალებით დაეხმარნენ ერთმანეთს წაკითხულის გააზრებაში და კიდევ ერთხელ მოუწოდეს თანატოლებს შეიყვარონ წიგნი, რადგან სწორედ წიგნების საშუალებითაა შესაძლებელი მსოფლიოს შეცვლა.