ბორჯომის მუნიციპალიტეტის სოფელ კორტანეთის საჯარო სკოლაში დავით აღმაშენებლის გარდაცვალების 900 წლისთავთან დაკავშირებით დიდი მეფის ღვაწლი გაიხსენეს.
„დავით აღმაშენებელი - „ძლევაი საკვირველი“ - ამ სახელწოდებით ჩატარდა სკოლაში დავით აღმაშენებლის ხსენების დღისადმი მიძღვნილი ღონისძიება.
„თუ მსოფლიოს რომელიმე ერს ისტორია გააჩნია, ერთ-ერთი ჩვენ, ქართველები ვართ. თუ ვინმეს დიდი ადამიანები ჰყოლია, არც ქართველები ვართ ამ მხრივ უბირნი. თუ საქართველოს ისტორიას სამ ეტაპად დავყოფთ, იქნება: დასაბამიდან დავით აღმაშენებლამდე, დავით აღმაშენებლიდან ილია ჭავჭავაძემდე და ილია ჭავჭავაძიდან დღემდე“,- აღნიშნა ღონისძიებაზე ისტორიის პედაგოგმა - ინგა ლებანიძემ და მოსწავლეებს ესაუბრა დავითის სახელმწიფოებრივი სიბრძნის, მთავარსარდლური გამჭრიახობის, გულადობისა, ფილოსოფიური განსწავლულობის და აზროვნების, პოეტური აღმაფრენის და ზნეობრივი სიწმინდის შესახებ.
მოსწავლეები ჩაერთნენ არაერთ აქტივობაში:
• გამოაქვეყნეს პოსტერი: „ძლევაი საკვირველი“;
• გაიმართა მინი ლექცია: „დავითის როლი ქვეყნის აღმშენებლობის პროცესში“;
• ,„დავითი - ლიტერატურულ შემოქმედაებაში“;
• მოეწყო გამოფენა-დათვალიერება - „დავითის ეპოქა“;
• გაიმართა ფილმის - „დავით აღმაშენებელი“ ჩვენება.
მოსწავლეებმა დიდი მეფის ცხორებისა და მოღვაწეობის შესახებ ცოდნა გაიმდიდრეს და შესაძლებლობები წარმატებით წარმოაჩინეს.
იხილეთ ფოტოები:
