სიღნაღის მუნიციპალიტეტის სოფელ საქობოს საჯარო სკოლაში მოსწავლეთა სპორტული ცხოვრება წახალისებული და მხარდაჭერილია, მათი მიღწევები კი საამაყო.
ამჟამად, სკოლაში მე-11ა კლასის მოსწავლის სალომე კუტიბაშვილის სპორტული წარმატებით ხარობენ.
საქართველოს სამბოს ეროვნული ფედერაციის ორგანიზებით, სამბოში საქართველოს პირველობა გაიმართა.
ტურნირში მონაწილეობდა საქობოს საჯარო სკოლის მე-11ა კლასის მოსწავლე სალომე კუტიბაშვილი, რომელმაც ღირსეულად იასპარეზა და ვიცე-ჩემპიონის ტიტული მოიპოვა.
სკოლის დირექცია და პედაგოგები მოსწავლეს წარმატებას ულოცავენ და ახალი მწვერვალების დაპყრობას უსურვებენ.
„ვულოცავთ სპორტსმენს გამარჯვებას და ვუსურვებთ კიდევ უფრო დიდ წარმატებებს მომავალ შეჯიბრებებში“,- აღნიშნავენ სკოლაში და მოსწავლეს გულმხურვალედ გულშემატკივრობენ.
იხილეთ ფოტოები:
