მცხეთის მუნიციპალიტეტის სოფელ ნიჩბისის საჯარო სკოლაში მოსწავლეთა ჩართულობა სხვადასხვა კონკურსსა და საგანმანათლებლო ღონისძიებაში წახალისებული და მხარდაჭერილია. მოსწავლეებიც აქტიურობით გამორჩევიან და წარმატებაც სახეზეა.
მე-6 კლასის მოსწავლე ნიკოლოზ ჯავახიშვილმა „კინგსის“ სასწავლო ოლიმპიადაზე ინგლისურ ენაში ერთ-ერთი საუკეთესო შედეგი დააფიქსირა და დაიმსახურა პირველი ხარისხის დიპლომი, „კინგსის“ სუპერ ფინალში, ლიგაზე მიღებული საუკეთესო შედეგით კი ოქროს მედალი მოიპოვა და საქართველოს მასშტაბით დაიკავა მეორე ადგილი.
იგი დააჯილდოვეს სხვადასხვა პრიზით, მათ შორის „კინგსის“ გამარჯვებულთა ბანაკის საგზურით და ისვენებდა ბაკურიანში.
სკოლაში მოსწავლის წარმატებით ამაყობენ და ცოდნის ახალი მწვერვალების დაპყრობას უსურვებენ.
„ყოველი წარმატებული მოსწავლე სკოლის სიამაყეა და ჩვენც დიდი სიამაყითა და სიყვარულით ვულოცავთ ნიკოლოზს ამ გამარჯვებას! წარმატებულ, ნათელ მომავალს ვუსურვებთ ჩვენს ნიჭიერ ბიჭს!“,- აღნიშნავენ სკოლაში.
იხილეთ ფოტო:
