საქართველოს საპატრიარქოს წმიდა თამარ მეფის სახელობის სკოლა-გიმნაზიაში ჯანსაღი ცხოვრების წესის პოპულარიზაციასა და სხვა მნიშვნელოვან საკითხებზე მოსწავლეთა ცნობიერების ამაღლებას სათანადო ყურადღება ექცევა.
ახლახან, თამარ მეფის სახელობის სკოლა-გიმნაზიაში ქართული ენისა და ლიტერატურის კაბინეტში ჩატარდა ლექცია თემაზე - „თამბაქოს მავნე გავლენა“.
ლექციას, რომელსაც კითხულობდა, ლექტორი შოთა ოდიშვილი, ესწრებოდნენ გიმნაზიის მე-7ა, მე-7ბ და მე-8 კლასის მოსწავლეები.
მოზარდებისთვის ლექცია ძალიან საინტერესო აღმოჩნდა და ყველა კითხვაზე ამომწურავი პასუხი მიიღეს.
„თამარ მეფის გიმნაზია მუდმივად ზრუნავს მოსწავლეების კლასგარეშე საკითხების განათლებაზე და ყოველთვის საინტერესო ადმიანებთან შეხვედრას უზრუნველყოფს მათთვის“,- აღნიშნავენ სკოლაში და მოსწავლეებს კიდევ არაერთ საინტერესო საგანმანათლებლო ღონისძიბას ჰპირდებიან.
იხილეთ ფოტოები:
