ნინოწმინდის მუნიციპალიტეტის სოფელ გორელოვკის N3 საჯარო სკოლის პედაგოგები მოსწავლეთა წიგნიერების დონის ამაღლებაზე ზუნავენ და ბავშვებს წიგნის კითხვის კულტურას დაწყებითი კლასებიდანვე ასწავლიან.
წიგნის საჯაროდ კითხვის დღე გორელოვკის N3 საჯარო მე-3 კლასში განსაკუთრებულად აღინიშნა, აქტივობას შეუერთდნენ დაწყებითი კლასის სხვა მოსწავლეებიც, მათ განიხილეს და გაეცნენ ახალ ავტორებს.
როგორც სკოლაში გვეუბნებიან, მოსწავლეებისთვის აქტივობა აღმოჩნდა სახალისო და საინტერესო.
წიგნის საჯაროდ კითხვის მსოფლიო დღე მსოფლიოში ცნობილი ღონისძიებაა, რომელშიც 100 სხვადასხვა ქვეყნიდან მილიონობით ადამიანი მონაწილეობს და ერთიანდება საერთო სლოგანის გარშემო - „იკითხე ხმამაღლა, შეცვალე მსოფლიო!“ ეს დღე ადამიანებს მთელი მსოფლიოდან შესაძლებლობას აძლევს გაერთიანდნენ, გაიზიარონ წიგნის ხმამაღლა კითხვის სიხარული და თავადაც შეიტანონ წვლილი კითხვის პოპულარიზაციაში.
იხილეთ ფოტოები:
