მარტვილის მუნიციპალიტეტის სოფელ ნახუნაოს საჯარო სკოლაში მოსწავლეთა წიგნიერების დონის ამაღლებას მნიშვნელოვანი ყურადღება ექცევა.
შესაბამისად, სკოლაში წიგნის საჯაროდ კითხვის საერთაშორისო დღე განსაკუთრებულად აღინიშნა.
მოსწავლე-მასწავლებლები ჩაერთნენ სხვადასხვა აქტივობაში – კითხულობდნენ საყვარელ წიგნებს, აზიარებდნენ შთაბეჭდილებებს და განიხილავდნენ საინტერესო თემებს.
როგორც სკოლაში გვეუბნებიან, ამ დღემ კიდევ ერთხელ გაუსვა ხაზი კითხვის მნიშვნელობას, როგორც ცოდნისა და წარმოსახვის განვითარების მნიშვნელოვან ინსტრუმენტს.
„მსგავსი ღონისძიებები ხელს უწყობს მოსწავლეებში წიგნის სიყვარულისა და კითხვის კულტურის გაძლიერებას, რაც მათი განათლებისა და პიროვნული განვითარების განუყოფელი ნაწილია“,- აღნიშნავს ქართული ენისა და ლიტერატურის უფროსი მასწავლებელი ელენე გაბეშია.
