ჭიათურის, რგანის საჯარო სკოლაში ბავშვთა დაცვის დღისადმი მიძღვნილი ღონისძიება გაიმართა. 

სკოლაში გამოფენა - „გაზაფხული ქაღალდით“ მოეწყო. 

გამოფენაზე წარმოდგენილი იყო ნაკეთობები, რომლებიც ხელოვნების გაკვეთილებზე მე-4 კლასის მოსწავლეებმა თეკლა ვეშაპიძემ და მარიამ გველესიანმა, პედაგოგ ფატმან ბურჯანაძის ხელმძღვანელობით შექმნეს. 

გამოფენაზე დაწყებითი კლასების პედაგოგის სულიკო ლაშხის მოსწავლეების მაია სამხარაძის (მე-3 კლასი), მარიამ უფლისაშვილის (მე-3 კლასი), თეკლა ვეშაპიძისა (მე-4 კლასი) და მარიამ გველესიანის (მე-4 კლასი) ხელნაწერები და აპლიკაციებიც გამოიფინა.

ღონისძიებაზე ასევე წარმოდგენილი იყო სკოლის მე-2 კლასის მოსწავლის ზურაბ ვეშაპიძის ნახატები და პლასტელინით ნაძერწი ნაკეთობები - სხვადასხვა რეალური თუ მითიური ცხოველები.

გამოფენა მე-4 კლასის მოსწავლემ თეკლა ვეშაპიძემ გახსნა, რომელმაც ფორტეპიანოზე საქართველოს ეროვნული ჰიმნი შეასრულა.

„გამოფენამ დიდი სიამოვნება მიანიჭა დამთვალიერებლებს - სკოლის პედაგოგებს, პერსონალს, მოსწავლეებსა და მათ მშობლებს“,-აღნიშნავს სკოლის წარმომადგენელი. 

იხილეთ ფოტოები