ხონის მუნიციპალიტეტის სოფელ ძეძილეთის საჯარო სკოლაში სასწავლო წლის განმავლობაში მრავალფეროვანი - როგორც სასწავლო-შემეცნებითი, ასევე საზეიმო და გასართობი ღონისძიებები იმართება, რაც მოსწავლეთა მრავალმხრივ განვითარებასა და მათი შესაძლებლობების წარმოჩენას ემსახურება. 

მათ შორის აღსანიშნავია, საახალწლო ღონისძიება, რომელიც პედაგოგ მარიკა გიორხელიძის ხელმძღვანელობით გაიმართა. მოსწავლეები დამსწრე საზოგადოების წინაშე მრავალფეროვანი საზეიმო პროგრამით წარდგნენ, სკოლაში ჯადოსნური განწყობა დაატრიალეს და ერთმანეთსა და მაყურებელს დაუვიწყარი ემოციები აჩუქეს. 

აღსანიშნავია, რომ სკოლის დირექცია და პედაგოგები მოსწავლეთა მოტივაციასა და განწყობაზე ყოველთვის ზრუნავენ და ბავშვებს მათ ინტერესებზე მორგებულ სასწავლო პროცესს სთავაზობენ. 

იხილეთ ფოტოები: