ჭალადიდის საჯარო სკოლის მოსწავლეებმა 2025 წელი სასკოლო საზოგადობას საინტერესო წარმოდგენით მიულოცეს
27-01-2025
ხობის მუნიციპალიტეტის სოფელ ჭალადიდის საჯარო სკოლაში მოსწავლეთა მრავალმხრივ განვითარებასა და სასწავლო პროცესში ჩართულობის გაზრდას მნიშვნელოვანი ყურადღება ექცევა. სწორედ ამიტომ, სკოლაში, სასწავლო წლის განმავლობაში არაერთი საინტერესო და მრავალფეროვანი აქტივობა იმართება.
მათ შორის იყო სკოლაში გამართული საახალწლო ღონისძიება. მე-8 კლასის მოსწავლეებმა სცენაზე საინტერესო და სანახაობრივად ლამაზი წარმოდგენა დადგეს და ასე მიულოცეს საზოგადოებას ახალი, 2025 წელი. მათ საახალწლო სიმღერაზე ცეკვა შეასრულეს, სადაც შემოქმედებითი უნარები წარმოაჩინეს
ეს დღე დასამახსოვრებელი და საინტერესო იყო იქ მყოფი თითოეული ადამიანისთვის.
აღსანიშნავია, რომ მსგავსი აქტივობები და ღონისძიებები მოსწავლეთა მოტივაციასა და განწყობას ამაღლებს.
იხილეთ ვიდეო
სკოლების სიახლეები
