გიორგი ჭყონდიდელის სახელობის ქალაქ ფოთის N7 საჯარო სკოლის დირექცია და პედაგოგები ახალგაზრდების განვითარებაზე, მათ ხარისხიან განათლებასა და წარმატებულ მომავალზე ზრუნავენ.
სწორედ ამის დასტურია კურსდამთავრებულთა მიღწევები. მათ შორის, 2022-2023 სასწავლო წლის მედალოსანს - სალომე ყურაშვილს კუთვნილი მედალი და სერტიფიკატი გადაეცა.
აღსანიშნავია, რომ კურსდამთავრებულთა დაჯილდოების ცერემონია ნიკო ნიკოლაძის სახელობის N2 საჯარო სკოლაში გაიმართა.
„გვიხარია სალომეს აღიარება და ვუსურვებთ მას წარმატებებს შემდგომში“,- ასეთია სასკოლო საზოგადოების სურვილები.
შეგახსენებთ, რომ ოქროს მედალი სკოლის კურსდამთავრებულებს იმ შემთხვევაში გადაეცემათ, თუ მათი საშუალო საფეხურის საერთო ქულა იქნება 10 დამრგვალების გარეშე. მოსწავლე, რომლის საშუალო საფეხურის საერთო ქულა იქნება 9.8 ვერცხლის მედალს მოიპოვებს.
იხილეთ ფოტოები:
