საჩხერის მუნიციპალიტეტის სოფელ ჩიხის საჯარო სკოლაში სასწავლო წელი საინტერესო და გამორჩეული აქტივობებითა თუ ღონისძიებებითაა გაჯერებული.
მათ შორის, პირველი სემესტრის ბოლოს, მასწავლებელ ირმა ჭიღლაძის ორგანიზებით, საშობაო კარნავალი მოეწყო. მასში მეთერთმეტე კლასის მოსწავლეები მონაწილეობდნენ.
აღსანიშნავია, რომ კარნავალზე მოსწავლეთა თვითშემოქმედება წარმოჩინდა და სახალისო საკონკურსო ნომრები ჩატარდა.
გარდა ამისა, საახალწლო კარნავალში მონაწილეობდნენ მშობლები, მიწვეული სტუმრები, რესურსცენტრის უფროსი - ლიკა ხვედელიძე, მაკა მამულაშვილი და პედაგოგები, რომლებიც მაყურებლის წინაშე განსხვავებული და ორიგინალური ნომრებით წარსდგნენ და გულწრფელი მოწონება დაიმსახურეს.
ჩიხის სკოლის დირექცია მადლობას უხდის მოსწავლეებსა და მათ მიზანდასახულ დამრიგებელს, ამ ლამაზი დღისთვის.
იხილეთ ფოტოები:
