ქუთაისის N16 საჯარო სკოლის მოსწავლეებმა ძველი აღმოსავლეთის არქიტექტურა მაკეტებით გააცოცხლეს
24-01-2025
ქუთაისის N16 საჯარო სკოლაში სასწავლო პროცესი საინტერესო და შემოქმედებითი აქტივობებითაა დატვირთული, რომლებშიც მოსწავლეები დიდი შემართებით ერთვებიან.
ამჯერად, მოსწავლეები დაინტერესდნენ ძველი აღმოსავლეთის არქიტექტურით და ის მრავალფეროვანი მაკეტებით გააცოცხლეს.
საბა ხურცილავამ ნაშრომში მდინარე ნილოსზე ეგვიპტის სამეფო წარმოადგინა, თამუნა ჭანკოტაძემ კი პირამიდების მთელი კომპლექსი.
ასევე, აღსანიშნავია, სანდრო არეშიძის მიერ მოთხრობილი ისტორია შუამდინარეთის სახელმწიფოებზე.
„ყოჩაღ ჩემო ძვირფასებო“, - ამ სიტყვებით შეაქო პედაგოგმა შემოქმედებითი და ნიჭიერი მოსწავლეები და კვლავ არაერთ საინტერესო და შემოქმედებით აქტივობას დაჰპირდა.
იხილეთ ვიდეო:
სკოლების სიახლეები
