ხაშურის მუნიციპალიტეტის სოფელ წაღვლის საჯარო სკოლის მოსწავლეებს წინასაახალწლო დღეები დღესასწაულად ექცათ. გაიმართა არაერთი ღონისძიება, რამაც სკოლაში ზღაპრული განწყობა დაატრიალა. 

2024 წელი ლამაზი ღონისძიებით გააცილეს დაწყებითი კლასების მოსწავლეებმა და კლასის ხელმძღვანელებმა - ნანა კაპანაძემ, ნინო ხონელიძემ და არჩილ ლომიძემ. ბავშვებმა თავი წარმოაჩინეს ლექსებით, სიმღერებით, ცეკვით და ახალი წელი მიულოცეს ერთმანეთს, მასწავლებლებს და სრულიად საქართველოს.

დიდი ზარ-ზეიმით შეეგებნენ ახალ წელს უფროსკლასელებიც. წაღვლის საჯარო სკოლის სცენა, მრავალფეროვანი ნომრებით დამშვენდა, მოსწავლეებმა იმღერეს, იცეკვეს, წაიკითხეს ლექსები, დალოცვები, წარმოდგენილი იყო მინი სცენები კინოფილმებიდან...

ეს დღე ერთ - ერთ დაუვიწყარ მოგონებად იქცა სკოლისთვის.

ღონისძიებას ორგანიზება გაუწიეს ანა კვირიკაძემ, ნინო ხონელიძემ და ფიქრია ლომიძემ.

იხილეთ ფოტო-ვიდეომასალა: