მიმდინარე სასწავლო წელს თბილისის №198 სკოლაში ამოქმედდა სოციალურ-
ემოციური უნარების ხელშემწყობი კლუბი.
როგორც სკოლაში გვეუბნებიან, კლუბის შექმნის მიზანია დაეხმაროს მოსწავლეებს გააძლიერონ სოციალურ-ემოციური სწავლა შემოქმედებითი და ინტერაქტიული აქტივობებით.
მთელი პირველი სემესტრის განმავლობაში განხორციელდა სხვადასხვა აქტივობები, რომლებიც მიზნად ისახავდა თვითშემეცნების, კომუნიკაციისა და ემოციური რეგულირების ხელშეწყობას.
მაგალითად, მოსწავლეები მონაწილეობდნენ საკუთარი თავის კონცეფციის სავარჯიშოებში, შექმნეს პერსონალური პორტრეტები და დროშები, სადაც ასახავდნენ ძლიერ მხარეებს. მოგვიანებით სესიებზე სსსმ მოსწავლეები განიხილავდნენ წინასწარ მომზადებულ სიტუაციებს ჯგუფებში. მათ გააზიარეს ემოციები და დახატეს გარემო, სადაც თავს საუკეთესოდ გრძნობდნენ.
კიდევ ერთი სესია ფოკუსირებული იყო კითხვებზე პასუხის გაცემაზე მათი პრეფერენციების, შიშებისა და ზიზღების შესახებ, რამაც ხელი შეუწყო ღრმა თვითრეფლექსიას. ზოგიერთმა მოსწავლემ შექმნა ცნობიერების ბარათებიც კი, რათა თანატოლებს დაეხმარონ ემოციების უფრო ეფექტურად მართვაში.
„აქტივობები იყო არა მხოლოდ საინტერესო, არამედ მნიშვნელოვანი ისეთი კრიტიკული უნარების განვითარებისთვის, როგორიცაა თვითგამოხატვა, თანაგრძნობა, გუნდური მუშაობა და პრობლემის გადაჭრა“,- აღნიშნავენ სკოლაში და დასძენენ, რომ მოსწავლეებმა ისწავლეს საკუთარი ემოციების ამოცნობა და გამოხატვა, საკუთარი თავის და სხვების უკეთ გაგება და თანატოლებთან პოზიტიური ურთიერთობების დამყარება.
ახლახან კი, სოციალურ-ემოციური უნარების ჯგუფმა განახორციელა აქტივობა სახელწოდებით - „ჩემი ემოციების სახლი“. რომელიც ასევე მეტად საინტერესო და შემეცნებითი აღმოჩნდა.
კლუბს ხელმძღვანელობს სკოლის სპეციალური მასწავლებელი გვანცა ლურსმანაშვილი.
კლუბის ფუნქციონირების ფარგლებში შეიქმნა საინტერესო ვიდეო
იხილეთ ფოტოები:
