თბილისის N103-ე საჯარო სკოლის სომხურ სექტორში ღონისძიება ჩატარდა, რომელიც დიდი აშუღი მგოსნის - საიათნოვას შემოქმედებას ეძღვნებოდა.  

მონაწილეობას სომხური სექტორის V-XI კლასის მოსწავლეები იღებდნენ. მათ დიდებული მგოსნის პოეზია ქართულ და სომხურ ენაზე გააცოცხლეს. ამავდროულად, მეფე ერეკლე II-ს  ეპოქის ამსახველი მუსიკალურ-თეატრალიზირებული სპექტაკლი ძველი თბილისის ფონზე წარმოადგინეს.  

ღონისძიებას ესწრებოდნენ მოწვეული სტუმრები: საქართველოში სომხეთის რესპუბლიკის ელჩი  რ. სადოიანი; საელჩოს წარმომადგენლები, საქართველოს ახალგაზრდობის წარმომადგენელი გაეროში გ. თუმასიანი, ისნის რაიონის საკრებულოს დეპუტატი ი. ჯიშკარიანი, პოეტი-მთარგმნელი გ. შახნაზარიანი, განათლების სამინისტროს კოორდინატორი კ.მანუკიანი, ისან-სამგორის რესურსცენტრის უფროსი მ. როსტიაშვილი-წიკლაური და გაზეთ „ვრასტანის“ რედაქტორი  ვ. ბაიბურთი.

იხილეთ ფოტოები