
აკადემიკოს ვიქტორ გუჩუას სახელობის წალენჯიხის მუნიციპალიტეტის ფახულანის თემის N1 საჯარო სკოლაში მოსწავლეთა სპორტული ცხოვრება წახალისებული და მხარდაჭერილია, მათი მიღწევები კი საამაყო, რაც ახალგაზრდების მოტივაციაზე აისახება.
ახლახან, მე-9 კლასის მოსწავლე თეკლე შონიამ მაგიდის ჩოგბურთში, მუნიციპალური შეჯიბრებაზე დაიკავა პირველი ადგილი, მე-8 კლასელი მარიამ ახალაია კი გამარჯვებულია - 100მ დისტანციაზე სირბილში.
მოსწავლეთა სპორტის მასწავლებელი ემზარ შონია გახლავთ, რომელიც მოსწავლეთა ფიზიკურ განვითარებაზე აქტიურად ზრუნავს და ახალგაზრდებში ჯანსაღი ცხოვრების წესის პოპულარიზაციას აქტიურად ეწევა.
ფახულანის თემის N1 საჯარო სკოლა ულოცავს მოსწავლეებს მიღწეულ წარმატებას.