კალისტრატე სალიას სახელობის წალენჯიხის მუნიციპალიტეტის ჯგალის თემის საჯარო სკოლის მოსწავლეები პროგრამის - „ჩემი პირველი კომპიუტერი“ ფარგლებში დაჯილდოვდნენ.

მოსწავლეებს (დამრიგებელი ირმა კალანდია) - კესო ჩანგელიას, დათუნა კვარაცხელიას, ცოტნე შენგელიას და ლიზი ბობოხიას, საბაზო საფეხურის წარმატებით დასრულებისთვის პორტაბელური კომპიუტერები გადაეცათ. 

სასკოლო საზოგადოება მათ მიღწეულ წარმატებას ულოცავს და წინსვლას უსურვებს.

„გილოცავთ ბავშვებო, წარმატებებს გისურვებთ“, - ამბობენ სკოლაში.

აღსანიშნავია, რომ პროგრამა - „ჩემი პირველი კომპიუტერი“ 2009 წლიდან ხორციელდება. პროგრამით საჯარო სკოლის ის მოსწავლეები სარგებლობენ, რომლებმაც საბაზო საფეხური წარჩინებით დაამთავრეს და მათი საფეხურის ნიშანი 10 ქულაა.