მესტიის მუნიციპალიტეტის სოფელ ლენჯერის N2 საჯარო სკოლაში სასწავლო სემესტრის მიწურულს მოსწავლე-მასწავლებლებმა ზღაპრული საახალწლო განწყობა დაატრიალეს. სამზადისში მთელი სასკოლო საზოგადოება ჩაერთო. 

აღსანიშნავია სკოლაში გამართული საახალწლო ღონისძიება, რომელშიც მოსწავლეებთან ერთად, აქტიურად ჩაერთნენ მასწავლებლები და მშობლები.

მათ სასკოლო საზოგადოებას სიურპრიზი მოუწყვეს, დღე გაალამაზეს და სცენაზე მუსიკალური ნომრები შეასრულეს. მათმა გამოსვლამ მოსწავლეთა განწყობა კიდევ უფრო აამაღლა. 

ეს დღე დაუვიწყარი და შთამბეჭდავი აღმოჩნდა იქ მყოფი თითოეული ადამიანისთვის.

სკოლაში მშობლებს და მასწავლებლებს ამ დღისთვის მადლობას უხდიან.

„მადლობა ძვირფასო მშობლებო და მასწავლებლებო, ბედნიერ შობა-ახალ წელს გისურვებთ“, - აღნიშნავენ სკოლაში.

იხილეთ ვიდეო ბმულზე