ბარალეთის N2 საჯარო სკოლაში პირველი სემესტრი საახალწლო ზეიმით დაგვირგვინდა
30-12-2024
შობა-ახალი წელი ყველა ასაკის ადამიანისთვის უმშვენიერესი და უსაყვარლესი დღესასწაულია, მას განსაკუთრებული სიხარულით პატარები ელიან, გამონაკლისი არც ახალქალაქის მუნიციპალიტეტის სოფელ ბარალეთის N2 საჯარო სკოლის მოსწავლეები არიან.
მოსწავლეებმა საახალწლო ზეიმი გამართეს, მათ დამსწრე საზოგადოებას ახალი წელი მიულოცეს ლექსებით, სიმღერებით და სხვადასხვა შემოქმედებითი ნომრებით.
ამ ზეიმში მოსწავლეებიც, მასწავლებლებიც და მობრძანებული სტუმრებიც აქტიურად იყვნენ ჩართულნი, რამაც დღე უფრო სახალისო და საინტერესო გახადა.
ბავშვებს ახალი წელი მიულოცეს სკოლის დირექტორმა მაკარ ისაკიძემ, მასწავლებლებმა და იქ მყოფმა სტუმრებმა.
ზეიმის დასასრულს ტრადიციულად თოვლის ბაბუამ საჩუქრები გადასცა თითოეულ მოსწავლეს, რამაც უსაზღვროდ გაახარა ისინი.
იხილეთ ფოტოები:
სკოლების სიახლეები
